Karibu kila mwaka, makampuni ya simu huwa yanatoa matoleo mapya ya simu. Makampuni haya ya simu huyatoi tu matoleo ya simu, bali huwa yanashindana kutoa simu zenye maboresho na Teknolojia mpya ilio Bora kwa watumiami.
Watu wengi huwa wanaumiza kichwa sana namna gani wanaweza kupata matoleo haya mapya.

Vijana ambao huwa wanamtindo wa kuhitaji kujaribu vitu vipya, huwa wanahitaji matoleo mapya. Kujaribu vitu vipya ni jambo zuri sana ila ni nzuri zaidi kama liko ndani ya uwezo wako.
Ikiwa hauna uwezo wa kipesa wa kununua kila toleo jipya la simu, basi usiumize sana kichwa juu ya matoleo haya ya simu. Sababu za kutoumiza kichwa sana ni zifuatazo;

Mambo unatakiwa kujua kuhusu simu za mkopo BONYEZA HAPA>>>

Sababu za kutonunua kila toleo jipya la simu

Uzalishaji wa simu upo kibiashara

Fahamu kuwa makampuni ya simu yapo kibiashara na simu ndio moja ya bidhaa wanazouza. Kama zilivyo biashara nyingine, wanahitaji bidhaa ziuzike na wapate faida walioikusudia kisha wauze tena. Kutoa toleo jipya la simu ni sawa na kuingiza mzigo mpya sokoni ili watu wanunue. Hii ndio moja ya sababu simu hutoka kila mara na kuuzwa kama zilivyo bidhaa nyingine.

Kwaiyo endapo utakua hauna uwezo wa kununua toleo jipya la simu, usijisikie kuachwa nyuma. Nasema hivyo kwasababu wao wametoa toleo jipya kwasababu ya faida yao ya kibiashara na sio yako moja kwa moja. Yani kama bidhaa hauwezi ilimiliki, isikunyime usingizi.

Matoleo mapya hushuka bei baada ya muda

Kama umekua karibu na maswala ya kununua simu, utagundua kwasasa simu nyingi huwa zinapungua Bei kwa kasi sana baada ya mwaka moja au mwili toka zitolewe. Yani simu nyingi sana zilizouzwa bei ghali mwaka Jana na mwaka juzi unaweza zikuta kwa bei rahisi mwaka huu. Kuna watu walinunua simu kwa laki 9 kipindi hicho lakini kwa sasa simu walioinunua inapatikana kwa laki 3 tu. Na kadri siku zinapozidi kwenda ndio simu hushuka bei zaidi kutokana na matoleo mapya kuwa mengi na sababu nyingine.

Kwaiyo hapa Naweza kusema kutokimbilia matoleo mapya kunaweza kukufanya uiokoe pesa yako. Unaweza kuwa unasubiri simu mpya zishuke bei ndio ununue kwa bei rahisi.

Baadhi ya matoleo mapya ya simu huja na matatizo

Kwenye historia za simu, kuna matoleo mapya mengi sana yaliokuja na matatizo. Yani simu inaweza kutolewa kipindi hiki lakini baada ya muda mchache, watuamaji wakaanza kukumbana na matatizo ya kiufundi. Mfano wa matatizo yaliowahikutokea sana kwenye historia za matoleo ya simu ni kupata moto sana, vioo kutokwa na mistari, kuzima ghafla na mambo mengine mengi.

Kwaiyo kuchelewa kununua matoleo mapya ya simu kunaweza kukusaidia kuepuka matatizo kama haya. Yani utaona watu wanalalamika juu ya matatizo haya kabla haujatoa pesa yako kuinunua.

Matoleo mapya hayawi tofauti sana na yaliopo

Siku hizi kampuni kama Apple na Samsung huwa zinatoa matoleo kila mwaka lakini haina maana kuna ulazima wa kuchukua kila toleo jipya. Baadhi ya watu kwasasa huwa wananunua hata matoleo ya zamani ya simu za kampuni hizo kwasababu ya kuepuka bei. Mbali na bei, siku hizi kunakua na utofauti mdogo sana wa toleo jipya na toleo la zamani.

Tofauti wanazoweka kwasasa ni Teknolojia ambayo sio ya lazima sana kwa mtumiaji wa kawaida. Mfano; unawezakukuta simu toleo jipya ni bei ghali alafu inasifika kwa kamera inayozoom umbali mrefu sana… Mtumiaji wa kawaida hii itakusaidia nini? Haina umuhimu sana.

Kwa kuangalia hayo yote tuliozungumzia hapo juu, utagundua kunafaida ya kutokimbilia matoleo mapya ya simu. Matoleo mapya ni mazuri lakini kama hauna uwezo wa kununua kila toleo bila Mawazo, basi kuyaacha yapite kwa muda ni chaguo zuri pia.

Kupata mkopo imekuwa rahisi kuliko zamani. Kwa kutumia tu simu yako ya mkononi, unaweza kupakua app ya mikopo(Loan apps), kujisajili, na kupata pesa papo hapo. Urahisi huu umewavutia na kuwasaidia watu wengi mpka sasa, lakini pia umeambatana na changamoto zake.

Kuna mambo yameonekana kuwakumba wale wasiokuwa waangalifu katika kutafuta app sahihi za mikopo. Makala hii inakueleza mambo muhimu ya kuzingatia kabla hujatumia app yoyote ya mkopo ili kuepuka yaliowakuta wengine.

Mambo ya kuzingatia katika App za mikopo

1. Usalama wa Taarifa Binafsi

Moja ya mambo ya msingi mtandaoni ni kulinda taarifa zako. App nyingi hukusanya taarifa kama jina lako, kitambulisho, namba ya simu, na hata mawasiliano ya marafiki. Taalifa hizi zinaweza kutumia vibaya au vizuri.

Kabla ya kutumia app yoyote, hakikisha inaheshimu faragha ya mtumiaji na haijawahi kuripotiwa kwa matumizi mabaya ya taarifa.

2. Riba na Malipo ya Ziada

Ingawa unaweza kupewa mkopo kwa haraka, kumbuka kuna gharama nyuma ya pazia. Riba na ada zinazotolewa na app za mikopo hutofautiana sana. Wengine hutoza viwango vikubwa vinavyofanya urejeshaji kuwa mzigo. Ni vema kusoma masharti yao ya kifedha kabla ya kukubali kuchukua mokopo.

3. Masharti ya Marejesho

Kabla ya kuchukua mkopo wowote, hakikisha umeelewa masharti ya malipo. Je, mkopo unatakiwa kulipwa ndani ya siku ngapi? Kuna adhabu gani kwa kuchelewa? Kuwa na mpango wa malipo kabla hujachukua mkopo ili kuepuka presha isiyo ya lazima.

Jinsi ya kupata password ulioisahau kwenye akaunti yako BONYEZA HAPA>>>

4. Huduma kwa Wateja

App nzuri lazima iwe na njia rahisi za kupata msaada pale unapokwama. Tafuta app yenye huduma ya wateja inayopatikana kwa simu, barua pepe, au WhatsApp. Ukosefu wa mawasiliano ni kiashiria cha huduma duni au kutoaminika.

Kukopa si tatizo, lakini kukopa bila kuelewa kinachoendelea kunaweza kukuumiza. App za mikopo ni msaada mzuri kwa wale wanaojua kuzitumia kwa akili. Fanya kuchunguza kwa makini ndio ukope.

Kama ni mtumiaji wa simu za Android na huwa unatumia Playstore kuingiza games au apps nyingie kwenye simu yako, kuna muda unaweza kumbana na matatizo katika kutumia playstore. Na moja ya matatizo unayoweza kukumbana nanaoyo ni hili la kushindwa kudownload au kupakua vitu na kuingiza kwenye simu.

Unaweza ukawa unatafuta app unayoitaka kwenye Playstore, unabonyeza kitufe cha “Install” ili kuipakua lakini badala ya kuanza kuingia kwenye simu, play store inazunguka kwa muda mrefu na app haiingi kwenye simu. Na ukiisubiri wa muda mrefu zaidi inakuja na ujumbe wenye neno “Can’t install”. Ikiwa unakumbana na tatizo hili, fuata maelezo hapa chini kutatua tatizo hili.

AI za kutengeneza Video kwa picha tu BONUS>>>

Jinsi ya kutatua tatizo la “Play store kukataa ku download app na games kwenye simu”

Unapopata tatizo hili kitu cha kwanza kufanya ni kuangalia kama Storage ya simu yako imebaki kidogo au ipo ya kutosha. Simu ikiwa imebakiza nafasi ndogo ya kuifadhi vitu, unaweza kumbana na tatizo hili. Hivyo utatakiwa kuwa na nafasi ya kutosha ili kuingia app au game unalohitaji.

Ukiona nafasi ya kuifadhi vitu ipo sawa, angalia kama muunganiko wa internet upo vizuri kwenye simu yako maana internet ikiwa inasumbua tatizo hili linaweza kukukumba pia.

Kama vyote viko sawa na bado tatizo linaendelea, Jaribu kuclear/kufuta data za app ya playstore kwa kufuata hatua zifuatazo:

• Nenda kwenye orodha ya app za kwenye simu yako na utafute app ya Play store.
• baada ya hapo, ishikilie app hiyo kwa sekude chache alafu kunachaguzi zitatokea.
• kwenye hizo chaguzi zilizo tokea, chagua sehemu ilio andikwa “Application details” lakini inaweza kuwa imeandikwa “Application info” au “App info”.
• Baada ya kufanya hvyo, utapelekwa kwenye ukurasa ambao utatakiwa kutafuta sehemu palipo andikwa “Storage” na kupabonyeza.
• Ukisha fanya hivyo, utapelekwa kwenye ukurasa mwengine na kwenye kurasa huo, utatakiwa kubonyeza sehemu walipoandika “Clear Data” na kuchagua “Ok” kwenye swali utakalo ulizwa na simu yako baada ya kufanya hivyo. (Sehemu hiyo inaweza kuandika “Clear Storage” pia)

Baada ya kufanya hayo, utakua tayari umefuta data za playstore na utatakiwa kwenda playstore yako na kuanza kuitumia kama mwanzo… Itakua ipo vizuri na haina tatizo tena.

Ikiwa umefanya yote yaliopo hapa na haujafanikiwa, huenda kunaweza kuwa na tatizo katika app unayotaka kuingia kwenye simu. Baadhi ya app huwa zina matatizo yalionje ya uwezo wako. Ila unaweza njia mbadala ya ingiza app unayohitaji ikiwa kama Apk file.