Katika kipindi hiki wanaume huongea sana kuhusu wanawake na mahusiano lakini hii haimaanishi swala la “Kutongoza” linawezwa na kila mtu. Swala hili bado ni gumu kwa vijana wengi na ugumu wake huwa unawapelekea kupata wanamke wanaojitokeza kirahisi tu, na sio wanaowataka au kuwapenda.

Kwa wasio jua vizuri ulimwengu huu, Makala hii ina hatua ambazo mwanaume unaweza fuata kumpata kila mwanamke unaemuhitaji.

Kuna umuhimu mkubwa wa kijana kujua namna ya kutongoza mwanamke anaemtaka. Huwa kunasaidia hata kupata mwanamke sahihi maishani maana mtu usipojua kuwakamana, itakua ngumu kupata mwanamke unaemuona ni sahihi.

Maswali ya kumuuliza mpenzi wako mpya BONYEZA HAPA>>>

Hatua za kumpata Mwanamke yoyote unaempenda 2026

1. Mchunguze ni mtu wa namna gani na anapenda nini

• Kabla ya kuwa na ukaribu na mwanamke unaemtaka, hakikisha unamchunguza kwanza. Hapa nazunguzia kuangalia yeye ni mtu wa namna gani na anapenda nini katika mahusiano au maisha yake kwa ujumla.
• Hatua hii itakusaidia kujua unaingia vipi kwenye maisha yake. Kama anapenda pesa sana na unataka kuingia kwa namna hiyo, basi utajua hapa. Kama unaweza kukuelewa bila pesa, unona kwenye hatua hii pia.

2. Tengeneza ukaribu kupitia unachokijua kwake

• Ukishajua mambo flani kuhusu yeye, inaweza kuwa ni rahisi sasa kuanzisha ukaribu nae. Unaweza anza ukaribu kwa kuongea nae kidogo kuhusu mambo ambayo ni mbali kabisa na mahusiano. Hii inaweza kuwa ni kuongea vitu kuhusu biashara anayoifanya, kumuomba msaada kwenye kitu flani anachokiweza au onyesha kumjalia na hata ukimtania tu kwenye vitu vitakavyo mfurahisha sio mbaya.
• Kiufupi unakua ni kama unaingia kwenye maisha yake kiasi cha kuanza kumzingatia na kuwasilinana kwenye simu kuhusu jambo flani au kuongea nae tu pale mnapokutana. Lakini wakati unajisogeza kwake kutengeneza ukaribu, hakikisha haujengi mazoea nae sana. Fanya kila kitu unachokifanya ili kuwa karibu nae lakini mazoea yawe kwa kiasi tu.

3. Angalia muitikio wake juu ya ukaribu wako

• Ukishaweka ukaribu nae, anza kuangalia muitikio wake juu ya ukaribu wako. Yani angalia kama anafurahia au amekubali kirahisi wewe kuwa karibu yake.
• Unaweza ona mambo haya kwenye namna anavyo jibu ujumbe wa simu, namna anavyokuzingatia mkikutana na hata jinsi anavyoongea na wewe.
• Kupitia muitikio wake juu yako, unaweza hata kuona dalili za mapema za kufanikiwa kwenye jambo lako.

4. Tafuta muda mzuri wa kumwambia kuwa unampenda na umwambie

• Baada ya kujiweka karibu na akaonesha muelekeo wa kutambua ukaribu wako kwake, basi ni muda wa kumwambia ukweli. Kupitia ukaribu mulionao, tafuta wakati mzuri ambao utaanzisha mazungumzo ya kueleza hisia zako. Hii inaweza kuwa kwenye simu au kwa kuonanae kabisa.
• Kama ni kwenye simu, unaweza anzisha mazungumzo yako muda ambao unajua atakua ametulia(mfano; usiku, muda wa kulala). Kama ni ana kwa ana, unaweza muita au kukutananae mahali ili kumwambia hisia zako.

Wakati kufanya hayo yote, zingatia heshima. Baadhi ya wanawake unaweza kuwakosa kwasababu tu umewavunjia heshima. Wanawake huwa wanajali na kuangalia vitu vidogo vidogo alafu wanakuweka kwenye makundi. Kwaiyo unaweza kuwa na kila ushawishi lakini ukatupwa mbali au kuchezewa akili kwasababu ya mambo madogo kama dharau.

Mwanamke anaweza kukupenda na mukaingia kwenye mahusiano ya furaha sana. Lakini katika mahusiano yoyote, mambo yanaweza kubadilika na akaanza kukuchukia au kutokukupenda tena. Hii hutokea pia kwa wanaume, lakini kwa sababu tunazungumzia mwanamke, hebu tuchimbe zaidi.

Mwanamke kukuchukia katika mahusiano huwa kunakuwa na sababu. Inaweza kuwa umemkosea, amepata mtu mwingine, au ameona mahusiano hayo hayamfaidi kutokana na matarajio yake. Mara nyingi ni vigumu kwa mwanamke kusema moja kwa moja kuwa hakupendi tena, lakini kuna ishara ambazo ukiziona, unajua kabisa kuna kitu kimebadilika.

Jinsi ya kupata Mpenzi mtandaoni BONYEZA HAPA>>>

Ishara 5 za mwanamke anaekuchukia kwenye mahusiano

1. Hajibu SMS wala kupokea simu zako

Kama mwanamke anakupenda, ni lazima azingatie mawasiliano. Atapokea simu zako na kujibu ujumbe wako hata akiwa busy.
Lakini akiwa anakuchukia, hupuuza sana simu na ujumbe wako. Simu zako huwa kama usumbufu kwake, ujumbe wako unaweza kusomwa lakini usijibiwe. Hii ni ishara kuwa upendo umepungua au haupo kabisa.

2. Anasema yupo busy kila mara

Ni kweli binadamu anaweza kuwa busy sana, lakini si kwenye vitu anavyovipenda. Mara nyingi tunapata muda kwa watu tunaowapenda hata tukiwa na shughuli nyingi kuliko muda. Ni ngumu mtu kuwa busy kiasi cha kukosa muda kabisa kwa mtu anayempenda, hasa kwa wanawake.

Lakini mwanamke akikuchukia, atakuwa busy kila mara. Hatakupa muda wake, wala hatataka umpe muda wako.

3. Hataki mkutane tena

Kama mwanamke mlikuwa mnapanga kukutana na mnatimiza, lakini ghafla hataki tena, hiyo ni ishara mbaya. Mwanamke asiyekupenda anaweza kuanza kukukwepa kila linapokuja suala la kuonana.

Anaweza kuweka mgomo wa kukutana kimwili na hata kuonana kwa maongezi ya kawaida. Anaweza kutafuta kila sababu ya kutokua huku akikupa ahadi hewa za kuonana mfululizo mpaka pale utakapogundua mwenyewe kuwa hataki.

4. Mengi unayofanya yanakuwa mabaya kwake

Mwanamke anaekuchukia huwa anaona mabaya yako tu hata ukijitahidi kuwa mzuri kwake. Unaweza kufanya mambo mazuri ili kuugusa moyo wake, lakini ukaambulia dharau na lawama.

Yani unaweza kujikuta unakosea kila unachofanya, hata kama makosa hayo hayakuhusu.

5. Hakutambulishi kwa watu wake wa karibu

Mwanamke akikupenda kweli huwa ni ngumu kuwaficha watu wake wa karibu kuhusu wewe. Anaweza kuwaambia marafiki zake kuwa yupo kwenye mahusiano, na hata kukutambulisha kwa ndugu zake.

Lakini kama anakuchukia, ni ngumu sana kukutambulisha kwa watu wake au kuwaambia wale walio karibu naye kuhusu uhusiano wenu.

Kwenye mahusiano, karibu watu wote huwa wanasema maneno ya kuaminisha kama “wanakupenda” na “upo peke yako,” lakini sio kila mtu humaanisha. Baadhi ya watu wanaweza kusema “Nakupenda” au “Upo peke yako,” lakini wakawa na wapenzi wengi wanaowaambia hivyo kila siku. Mtu muaminifu akiingia kwenye mahusiano na watu wa namna hii, kuna hatari kubwa ya kupata hata magonjwa ya moyo kwa mshtuko. Ukiacha mishtuko, mawazo pia huwa hayapingiki mnapoendelea kuwa pamoja.

Lakini uzuri ni kwamba kuna namna ya kujua mtu ambaye ana wapenzi wengi. Njia hii ni ya kuangalia ishara kwenye matendo yake na sio maneno yake. Kwenye makala hii naenda kuzungumzia ishara hizi, ila ni kwa upande wa mwanaume. Kwa hiyo kama unahitaji kujua ishara za mwanaume kuwa na wanawake wengi, basi hapa ni sehemu sahihi.

Maswali ya kumuuliza mpenzi wako mpya BONYEZA HAPA>>>

Ishara 5 za Mwanaume Kuwa na Wanawake Wengi

1. Simu yake na yaliomo ni siri

Simu yake inaweza kuwa inalindwa kama imeficha siri ambayo hautakiwi kuijua kabisa. Anaweza kuwa hawezi kukupa uitumie, na hata akikupa, haupati uhuru. Hii inaweza kuwa ni kwasababu ya kuficha mambo yanayoendelea kuhusu wanawake wengine.

Kuna wakati mtu anaweza kuwa hataki simu yake iwe mikononi mwa mtu mwingine kwa sababu tofauti na hiyo, lakini wanaume wasiotulia kwenye mahusiano huwa wanakuwa hivi pia ili kuficha wanayofanya.

2. Hakupi muda wa uhakika

Mwanaume mwenye wanawake wengi huwa hatabiriki kwenye suala la kukupa muda wa kuwa naye. Anaweza kuwa anatumia muda mdogo sana na wewe, na muda huo si wa uhakika. Muda mwingi husema yupo “busy” na hataki umfuate sehemu kukutana naye bila taarifa.

Wengine huwa wanakutafuta wanapokutana na hitaji la kimwili tu. Hapo ndio wanakupa muda sana na wakifanikisha wanachokitaka kutoka kwako, hurudi kwenye hali ya kutokua na muda.

3. Haongelei maisha yake wala muelekeo wenu

Mnaweza kuongea vitu vingi vya kufurahisha na mwanaume huyu, lakini hauwezi kugusa  kuongelea maisha yake sana au maisha yenu ya baadaye. Wengine huwa maongezi yao makubwa ni starehe na kukutana kimwili.

Kiufupi, hataki umjue sana na hata ukimjua, hataki kukupa matumaini ya kuwa utakuwa naye kwa muda mrefu. Anakua kwenye mahusiano lakini haingii sana ndani maana yupo na wanawake wengi kwenye mahusiano.

4. Hujionesha lakini bila wewe

Mwanaume mwenye wanawake wengi anaweza kuwa na tabia ya kutotaka kuonekana na wewe sana kwenye maisha ya mitandao au maisha halisi. Kutokana na watu kutumia zaidi mitandao ya kijamii, basi naweza kusema upande wa mitandao ya kijamii ndio wa kuzingatia zaidi.

Mwanaume huyu huwa hawezi kuonesha picha ambayo inaonesha kujihusisha nawe. Hii inaweza kuwa ni kwa sababu anaogopa kuwashtua wanawake wengine aliowakamata.

5. Hana wivu wa kweli

Mwanaume mwenye wanawake wengi huwa hana wivu wa kweli pale anapokuona upo na wanaume wengine. Yaani, akiona umeanza kuonesha tabia ya kumsaliti, huwa haumsumbui kichwa kabisa. Anaweza hata kujua kabisa una mwanaume mwingine lakini asichukulie kama ni kitu kikubwa sana kiasi cha kuvunja mahusiano.

Kiufupi, wanakuwa kama ni wavumilivu sana kwenye mahusiano hata ukiwafanyia vitu vikubwa, lakini ukweli ni kwamba hawana wivu.

Uzuri wa hizo ishara 5 za mwanaume kuwa na wanawake wengi ni kwamba unaweza kuziangalia hata kwenye mahusiano machanga. Baadhi ya wanaume wenye wapenzi wengi huwa hawawezi kuzificha kabisa. Ndani ya mwezi mmoja tu katika mahusiano, unaweza kugundua ishara 2 au mpaka 4.

Kwenye mahusiano, watu wengi huingia wakiwa wamependana kwa dhati, ingawa siku hizi wapo wanaoingia kwa matamanio au tamaa tu. Na Katika maisha ya mahusiano ya mapenzi, kuna mambo ambayo mwanaume au mwanamke huyaona na kuyapenda, jambo linalowafanya waendelee kubaki pamoja hata kama mwanzo haukuwa na nia ya kweli.

Lakini pia, yapo mambo mengine ambayo mtu akikumbana nayo, huweza kuyachukia kiasi cha kuamua kuondoka kabisa kwenye uhusiano. Makala hii itazungumzia zaidi upande wa mwanaume, kwa kuangazia mambo machache muhimu ambayo kwa kawaida mwanaume hapendi kuyaona kwa mwanamke wake katika mahusiano.

Maswali ya kumuuliza Mpenzi wako Mpya BONYEZA HAPA>>>

Mambo 5 Mwanaume hapendi kutoka kwa Mwanamke

1. Kukosa Uaminifu

Uaminifu ndio nguzo kuu ya uhusiano wowote. Mwanaume hapendi mwanamke asiyeaminika kwasababu akihisi kwa hutoa siri zake au ana tabia za usaliti, moyo wake huhisi hayupo sehemu salama. Hata kama atabaki kwenye uhusiano kwa muda, mara nyingi itakuwa kwa sababu ya tamaa tu, si kwa upendo wa kweli. Mwanamke anapokuwa mwaminifu, hujenga heshima na kumfanya mwanaume ajisikie yuko na mtu sahihi wa maisha yake.

2. Dharau

Heshima ni kitu kikubwa kwa mwanaume. Haijalishi mwanamke ni mrembo kiasi gani, mwanaume hatavumilia dharau. Anapenda kujisikia kama kiongozi na mtu muhimu ndani ya uhusiano. Maneno ya kejeli, kutojali maamuzi yake, au kumdharau mbele za watu huumiza moyo wake na kumfanya ajiulize kama kweli yupo sehemu sahihi. Mwanamke anapompa heshima mpenzi wake, hujenga hata misingi ya mapenzi ya muda mrefu.

3. Uchafu au Kutokujipenda

Mwanaume hupenda mwanamke msafi na anayejipenda. Uchafu au kutojijali kunamfanya mwanaume akose kabisa hamu ya kuwa na mwanamke, hata kama alikuwa amempenda sana. Kujipenda si lazima uwe na nguo za gharama kubwa; hata nguo za kawaida zikivaliwa kwa usafi na mpangilio mzuri humfanya mwanamke avutie. Mwanamke anapojitunza kimwili na kihisia, humvutia zaidi mwanaume na kuimarisha heshima yake.

4. Kulinganishwa na Wanaume Wengine

Hakuna mwanaume anayependa kulinganishwa na mwingine. Kauli kama, “Mbona fulani kafanya vile alafu wewe umefanya hivi?” ni sumu kubwa kwa mapenzi. Kila mwanaume anapenda kujiona wa kipekee machoni pa mwanamke wake. Kumlazimisha ajione wa hali ya chini kwa kumlinganisha na wengine humfanya ajisikie hafai na kupoteza nguvu ya kupigania uhusiano wengu.

5. Kutokuwa na Shukrani

Shukrani ni jambo dogo linalobeba uzito mkubwa. Wanaume wengi hujitahidi sana kuhakikisha wapenzi wao wanapata furaha na amani, hata kwa njia ndogo ndogo. Kukosa shukrani au kuchukulia kila kitu kawaida humvunja moyo mwanaume. Neno rahisi kama “asante” linamfanya ajisikie kuthaminiwa na linazidisha upendo ndani ya uhusiano. Akikosa neno hili ndani ya mahusiano, Kuna hatari kubwa ya kuhamia popote atakapolipata nje ya mahusiano.

Mapenzi ya kudumu yanahitaji uaminifu, heshima, kujali na kushukuru. Mwanamke akijitahidi kuepuka mambo haya matano ( kutokuwa mwaminifu, dharau, uchafu, kulinganisha wanaume na kukosa shukrani) anakuwa ameweka msingi mzuri katika mahusiano.

“Yule mkaka ni mrefu Hadi raha, natamani angekuwa wangu…”
“Alafu hata mimi napenda mwanaume mrefu alafu akiwa mweusi ndio nachanganyikiwa kabisa.”

Haya ni mazungumzo unayoweza kusikia kwenye daladala, mitandaoni au hata mitaani. Lakini swali kubwa ni: kwanini wanawake wengi wanawapenda wanaume warefu?

Je, hii ni kwa sababu ya hisia za kweli, mitazamo wa mtu au ni matokeo ya mila na tamaduni zilizojengeka kwa muda mrefu?

Ukifuatila kidogo; Wengine wanasema ni sayansi ya mwili, huku wengine wakiamini ni ushawishi wa mitindo ya maisha ya kisasa ulioletwa na filamu au mitandao ya kijamii.

Katika makala hii ya The Bestgalaxy, tutachunguza kwa undani sababu kuu zinazofanya wanaume warefu wavutie zaidi kwa wanawake, huku tukikukumbusha kuwa mapenzi ya kweli hayapimwi kwa futi wala sentimita, bali kwa moyo.

Ujumbe mzuri kwa mpenzi wako BONYEZA HAPA>>>

Sababu za Wanawake kupenda Wanaume Warefu

1. Hisia za kujihisi salama

Wanawake wengi husema mwanaume mrefu huwapa hali ya kujiamini na kujisikia salama. Wanaume warefu mara nyingi huonekana kuwa na nguvu zaidi kimwili, jambo linalomfanya mwanamke ahisi kwamba yuko na mtu anayeweza kumlinda kwenye hatari. Hata kama si lazima awe na nguvu nyingi, urefu pekee unaleta hisia za usalama kichwani mwa mwanamke.

2. Mvuto katika Jamii

Jamii nyingi zimekuwa zikiwapa nafasi kubwa wanaume warefu. Wakati mwingine wanaonekana kama viongozi wa kikundi toka wakiwa wadogo. Mfano, kwenye mikusanyiko hata wa wakubwa, mwanaume mrefu mara nyingi husimama na kuonekana kwa urahisi, kitu kinachoongeza mvuto wake bila hata kusema chochote. Kwa wanawake wengi, hii ni ishara ya hadhi, utawala na mamlaka.

3. Sayansi

Watafiti wa saikolojia ya mwili (evolutionary psychology) wanaeleza kuwa urefu ni moja ya sifa ambazo ubongo hutafsiri kama ishara ya afya njema na vinasaba (genes) bora. Mwanamke anaweza asijue, lakini hali yake ya ndani humwambia mwanaume mrefu ana uwezo mkubwa wa kulinda na kuendeleza familia yenye afya. Hii inatokana hata na historia ya nyuma ya kibinadamu ambapo urefu na nguvu vilihusishwa na afya njema.

4. Utamaduni na Mitindo

Filamu, muziki, na mitandao ya kijamii zimechangia pakubwa kuunda picha kwamba mwanaume mrefu ndiye “Handsome” Ukifuatilia sinema/movie nyingi, uhusika wakuu wa kiume mara nyingi holewa kwa waigizaji warefu. Hii hujenga taswira akilini mwa watu kwamba urefu ni moja ya vigezo vya mwanaume anayependeza. Kwa hiyo, hata kama mwanamke hakuwahi kufikiria hivyo awali, mazingira na utamaduni hujenga mtazamo huu taratibu.

Jinsi ya kupata Mpenzi mtandaoni BONYEZA HAPA>>>

Mwisho: Si wanawake wote hufuata dhana hii juu ya wanaume warefu. Wengi huweka kipaumbele zaidi kwenye tabia, mawasiliano, na heshima kuliko urefu. Kuna wanaume wafupi lakini wenye mvuto mkubwa kutokana na jinsi wanavyojiamini na jinsi wanavyowajali wapenzi wao. Mapenzi ya kweli hujengwa kwenye uaminifu, mawasiliano, na upendo wa dhati; mambo ambayo hayawezi kupimwa kwa sentimita.