All posts by Admin

Teknolojia

Jinsi ya kutengeneza Video za katuni kwa simu (Tumia kupata Pesa mtandaoni)

Leave a comment

Pengine unaweza kuwa ni mtu unaempenda kujua namna gani utaweza tengeneza katuni Bora kupitia simu. Jambo hili sio jepesi sana kulifanya kama unataka kutengeneza katuni zenye ubora wa hali ya juu. Asilimia kubwa ya utengenezaji wa katuni zenye ubora huwa ni mgumu kidogo kuliko zisizo na ubora. Lakini habari njema ni kwamba, kwasasa unaweza tengeneza katuni zenye ubora kirahisi kwa msaada wa Al. Yani kuna huduma za AI ambazo zinaweza kutumika kwenye mchakato wa kutengeneza katuni zenye ubora ili kurahisisha mchakato mzima.

Hapa The bestgalaxy tunaenda kukuelezea kila hatua unayotakiwa kuichukua ili kutengeneza video za katuni kwa kutumia simu. Ili kuelewa mchakato mzima, utatakiwa kuwa na ujuzi kidogo kwenye mambo ya kuedit picha, video na uelewa kwenye matumizi ya AI. Kama upo vizuri kwenye upande huo, fuata maelezo yafuatayo ili kutengeneza video za katuni.

Ujuzi utakao kuwezesha kuingiza pesa mtandaoni BONYEZA HAPA>>>

Jinsi ya kutengeneza video za katuni kwa kutumia simu

Kwanza kabisa utatakiwa kuwa na app ya PicsArt, Chat GPT na Motion Ninja kwenye simu yako. Baada ya kupata app hizo kwenye simu yako, fuata hatua zifuatazo ili kutengeneza video za katuni:

Hatua ya kwanza; Tengeneza katuni muhusika na mazingira yake.

Hapa utatakiwa kutengeneza kwanza Katuni ambae atakua muhusika kwenye video pamoja na mazingira atakayokuepo. Kufanya hivi ingia kwenye app ya Chat GPT, fungua akaunti kisha itumie kuunda picha ya katuni muhusika. Unaweza muunda katuni huyo kwa kuandika “Create an image of cartoon character sheet” alafu utapewa picha za huyo katuni akiwa kwenye hali tofauti tofauti.
Baada ya kutengeneza huyo muhusika, utatakiwa kutengeneza au kuunda Picha ya mazingira yake ambayo inaitwa Background image. Kuiunda hiyo picha, unaweza andika “Create background image” hapo hapo kwenye ChatGPT alafu ukaletewa.

Hapa kwenye kuunda Picha, ujuzi wa kutumia AI ndio unahitajika zaidi. Na baada ya kuunda Picha hizo kupitia ChatGPT, fanya kudownload/kupakua zote ziwe kwenye simu yako.

Hatua ya pili; Tengeneza picha inayounganisha muhusika na mazingira yake.

Katika hatua hii, utatakiwa kutumia app ya PicsArt kutengeneza picha ambayo imeunganisha katuni muhusika na mazingira yake. Yani fanya kuedit picha iwe inamuonesha yule katuni akiwa kwenye mazingira ya picha ulioiunda (Background image). Hii inabidi uwe na ujuzi kidogo katika upande wa kuedit picha.

Baada ya kufanikiwa kupata picha nzuri ilio oanisha mazingira na muhusika, fanya kuitunza picha hiyo kwenye simu yako kwaajili ya hatua nyingine.

Hatua ya tatu; Badilisha picha kuwa vipande vya video za muhusika akifanya mambo mbalimbali

Katika hatua hii, utatakiwa kutumia huduma ya AI ambayo inaitwa Kling AI (KlingAI.com) ili kugeuza picha ulioitengeneza kuwa vipande vya video. Kling AI inakuwezesha mtumiaji kugeuza picha kuwa video. Unaweza itumia kling kufanya picha yako igeuke video inayoonesha muhusika akikimbia, akiongea, akicheza na mambo mengine unayohitaji.
Kwenye hiyo huduma, wewe tengeneza video fupi hata 3 tu zikionesha muhusika akifanya matendo yanayo endana. Mfano; unaweza kutengeneza video 2 za muhusika akiongea alafu 1 ikawa inamuonesha muhusika akiondoka.

Baada ya kuunda video hizo kupitia Kling AI, fanya kuzidownload kwenye simu yako kwaajili ya hatua nyingine.

Hatua ya nne; Unganisha vipande vya video na kuingiza Sauti

Hatua hii ni hatua ya mwisho kabisa ambayo itakuhitaji utumie app ya Motion Ninja kuunganisha video zote ulizounda, ziwe video moja. Inabidi unapounganisha uziweke kwenye hali ambayo italeta maana kwa mtazamaji. Usiishie kuunganisha tu, weka na sauti katika video hizo. Ikamilishe video kwa kuweka mambo yote unayoona yanaweza kufaa.


Baada ya video kukamilika, basi utakua tayari umefanikiwa kutengeneza video ya katuni kwa kutumia simu yako. Njia hii ni rahisi sana kuliko njia nyingine.

Uzuri wa kutengeneza katuni kwa mtindo huu ni kwamba unaweza tengeneza kitu kikubwa kulikuo unavyofikilia. Yani hizi ni katuni ambazo ukiamua kuzitengengeza na kuzisimamia vizuri, utaweza kuzitumia kuingiza hata brand na hata pesa kupitia mitandao ya kijamii. Kwaiyo kujua hiya inaweza kuwa na hatua nzuri ya kumiliki vitu vikubwa mtandaoni na kutengeneza pesa pia.

Kama unataka kufundishwa kwa ukaribu zaidi jinsi ya kutengeneza katuni kwa mtindo huu na kuingiza pesa, tuma Neno “Kujifunza katuni” kwenda namba 0715 233 405 ili ujulishwe pindi masomo haya yatapoanza (Sio Bure).

Mahusiano

UTAMU WA JUMLA 05 (Simulizi ya Maandishi)

1 Comment

Ila kama huyu ni mke wa mtu basi waliosema mke wa mtu mtamu hawajakosea kabisa… Ngoja nimuulize” nikaifuta ile SMS niliotaka kuituma. Nilivyofuta nikamwambia tu “Salma, nikuulize Swali?” alafu ikapita kama dakika moja nikakuta anajibu “Ah hapana usiniulize, nijibu kwanza swali langu”….

Basi mimi nikamwambia “Skia Salma, nijibu kwanza swali ntakalokuuliza alafu ndio nitakwambia” nikakuta tu kaniambia “Nina hamu” nilipo soma nikawa nawaza “Anamaanisha nini huyu? mbona kama ametangulia mbele sana huyu… Neno tata hili… Anamanisha nini kusema hivi usiku huu? Dah sijui nimjibu nini sasa hapa?” kabla sijapata cha kumjibu nikakuta ametuma SMS nyingine imeandikwa “Nina hamu ya kumjua huyo anaenipenda”. Nilipoona amesema hivyo, nikamuelewa alichokua akimaanisha ila alikua ameishaniingiza tamaa juu ya kumpata maana aliposema tu anahamu akili yangu ikawa inaniletea picha za jinsi alivyoumbika, Salma alikua ni dada flani mzuri wa sura na amebalikiwa umbo.

Nikajikuta nimetupia mbali wazo la kumuuliza mambo ya kuolewa, nikamwambia “Sawa, huyo mtu anaekupenda ni mimi”. Alikaa kama dakika 3 hivi bila kujibu mpaka nikaanza kuwaza “Au nimekosea kumwambia? Mbona hajibu? Au anaandika ujumbe mrefu huyu… Dah” lakini ghafla nikakuta kajibu “Mmh Haya, lakini samahani, sijakuelewa vizuri unanipenda kivipi yani?”. Mh alivyosema hivyo nikawanawaza mbona kama anataka kukataa huyu wakati alikua kama anaelewa ninachotaka kumwambia?… Kwamba hajaelewa kweli?… Dah liwalo na liwe, ngoja nimuelekeze tu”. Basi nikatulia nikaandika “Salma, nakupenda sana na upendo wangu kwako nashindwa hata niuelezee vipi kwako ila tambua tu nahitaji tuwe wapenzi. nimejikuta tu nakupenda Salma, nahitaji nafasi katika moyo wako maana moyo wangu umeishauteka.” alafu nikamtumia. Akatulia kama dakika 2 hivi bila kujibu na mimi nikawa nasubiri huku moyo wangu unadunda “Nduh Nduh Nduh”.

Nakumbuka baada ya ukimya wa dakika chache akasema “Kitu gani umependa kutoka kwangu?” nikafikilia ninavyompenda nikaona siwezi elezea kitu gani nampendea maana nimejikuta tu napenda jinsi alivyo hivyo nikamjibu “Nakupenda jinsi ulivyo tu”. Akakaa tena kama dakika 4 ivi alafu akasema “kwani nikoje?” mimi nikamwambia “Ni dada falni mzuri, msafi, unajielewa na mtulivu pia, nahisi ni mungu aliniumbia… Nimejikuta navutiwa kua na wewe ikiwezekana maishani Salma. Naona nakua na furaha nikiwa na wewe. Alafu sijaanza leo kukupenda, nakupenda tangu nakutia machoni siku ile tuliokutana hapo nje”. Nilivyo mwambia hivyo, akaniambia “Kwani siku ile tuliokutana hapo nje ilikua ndio siku yako ya kwanza kuniona?” nikamjibu “Ndio salma, nilipokuona nilihisi nimekutana na malaika”. Basi nikakuta kanijibu ujumbe wa kucheka “Hahahaha” mimi nikamwambia “Kweli tena, sitanii”

Akakaa tena kama dakika 4 hivi alafu akasema “Sawa, mimi mwenyewe nakupenda ila naogopa usijekua unanidanganya mwisho ukaniumiza” mimi kwa haraka haraka nikawa na furaha nikamwambia “Siwezi fanya huo ujinga, Nakupenda sana Salma”. Nikakuta kanijibu “Haya, Nakupenda pia” nilipata furaha ya ajabu mpaka nikataka nipige kelele usiku huo mule ndani. Niliona kama ni bahati kuwa na mahusiano na dada huyo maana alikua ni mzuri na anajipenda sana kiasi kwamba ukimuona barabarani huwezi zani anatokea kwenye nyumba za kupanga, unaweza hisi ni mke wa mtu mwenye pesa sana au ni wale wadada wazuri wa kwenye video.

Basi usiku huo ulikua wa furaha sana na nilikua na hamu tukutane pindi kutakapokucha maana muda huo mvua ilikua inanyesha sana na ulikua muda mbaya tayari. Na kweli kulikucha ila nilichelewa kidogo kuamka kutokana na kuchelewa kulala na kitu cha kwanza kukifanya kilikua ni kumtumia Salma SMS lakini ilionesha kuwa hapatikani kwa muda huo. Nilipotoka nje nikakuta mlango wa Salma unaonekana kama Salma hayupo ndani maana umefungwa kwa nje. Nilivyona hivyo nilikua na vimaswali kichwani mpaka nikaamua nisiende kwenye mafunzo ya kampuni siku hiyo. Nilikaa tu chumbani kwangu, ukafika muda wa kula chakula nikaenda kununua alafu nikarudi nikakaa mlangoni kwangu nikawa nacheza gemu kumsubiri. Kwenye mida ya kama saa 4 asubui hivi nilikua nimechoka kushika simu, niliegemea pembeni ya mlango pale nje, usingizi ukanichukua.

Huko usingizini nikaanza kuota nipo na Salma sehemu nisioijua hata vizuri napambana kumshika na kumkumbatia Salma lakini nashindwa sababu yeye ananisukuma huku akinifokea kama hanijui kwa kusema “Hebu niachie… Wewe Mkaka vipi!… We mkaka!”. Dah ndoto hiyo ilifanya nishtuke toka usingizini na nilipofungua macho mbele yangu nikakuta Madada wawili wamesimama mbele yangu pale mbele ya mlango wangu wananiangalia huku wakiniamsha kwa kusema “Wewe kaka… Wewe kaka”. Basi mimi nikasema “Naam” huku nikiwa najaribu kuyaweka macho vizuri ili niwaone vizuri maana macho yangu yalikua usingizini na hao madada sikujua watakuwepo mbele yangu. Nikawaangalia sura zao haraka haraka nikakuta sura zao ni ngeni.

Basi nikakuta wananisalimia na mimi nikaitikia alafu wakauliza “Samahani kaka, tulikua tunaulizia anapokaa dada mmoja hivi anaitwa Tausi… tunasikia anakaa mitaa hii”. Mimi kwakua nilikua mgeni kidogo kwenye maeneo hayo na nilikua sijafahamiana sana na watu wa mtaa huo, sikuweza mtambua mtu wanaemuulizia hivyo nikawaambia “Ah mimi sijui watu wengi mtaa huu ila hapa hakuna mtu anaitwa tausi” wakanishukuru alafu wakawa wanaondoka. Madada hao walikua wasafi na wamevaa vinguo vifupi vinavyotega macho ya wanaume. Mimi kwa haraka haraka nilivyoona muonekano wao nilihisi huenda wanafanya kazi ya kuuza miili yao maana walikua wameanika vitu nje nje alafu hawajiwazii.

Walivyoondoka tu nikajisemea “Bora wameniamsha maana simu nimeiweka pabaya kiasi kwamba mwizi angepita maeneo haya angechukua simu bila mimi kujua”. Baada ya hapo mawazo ya Salma yakaanza kuteka kichwa changu. Nikaanza kuwaza “Dah Salma nae sijui kaenda wapi?… Naanza mpaka kukosa raha yani. Na hii ndoto nilioiota hapa ni ukweli au imesababishwa na makelele ya waliokua wananiamsha tu? Itakua ni hawa mbwa wameniletea lindoto la ajabu… ila sasa mbona hayupo na hakuniambia jana kwamba hatakuepo leo?”

INAENDELEA….

Sehemu Ya 6
Mahusiano

Vitu vya kufuatilia ili kujenga Imani ya Mapenzi tena (Wengi wameipoteza)

Leave a comment





Imani ya mapenzi ya kweli, tunaweza sema ni imani, uaminifu, na matumaini yaliyowekwa katika mahusiano ya mapenzi ya dhati kati ya watu wawili. Ni hali ya kuamini kwamba mapenzi yanaweza kustahimili changamoto, misukosuko, na majaribu ya maisha bila kuvunjika. Kwa upande mwingine inaweza kuwa ni imani inayofanya uamini kuwa mnapendana, mtapendana na mtaendelea kuwa pamoja.

Imani hii ya mapenzi watu huwa nayo mwanzoni katika maisha ikiwa iko vizuri tu. Lakini baada ya kukutana na maumivu ya mapenzi, wengi huipunguza au kuipoteza kabisa. Yani unaweza kuta mtu alikua na mpenzi wake wa kwanza akiamni watakua pamoja milele lakini jambo flani baya linatokea, wanaachana akiamini hakuna mwanamke au mwanaume yoyote mwenye mapenzi ya kweli. Maumivu ya mapenzi hufanya watu wafikilie tofauti kabisa kuhusu mahusiano ya mapenzi.

Kuondoa au kupunguza Imani katika mapenzi sio jambo baya maana husaidia kuwa makini kwenye mahusiano yajayo lakini kukizidi kunaweza kuwa kubaya. Mfano; kuna watu wanaimani ndogo sana juu ya mapenzi kasi kwamba hawawezi tulia kwenye mahusiano na hata wakiingia, hayadumu kwasababu hawayazingatii wala kuwa na malengo. Hapa ndio utasikia mtu anakwambia “Sina imani na Wanawake kwenye mapenzi” au “Siamini mwanaume yoyote mwenye mapenzi”. Na kunatabia nyingi mbaya zinaweza kuzaliwa baada ya Imani ya mapenzi ya kweli kupungua au kuondoka.

Baadhi ya watu huwa kwenye hali mbaya ya kutoamini katika mapenzi mpka hutamani hata kupata msaada utakaofanya wawe na imani tena. Yani wanatamani wampende mtu mmoja kwa dhati huku wakiwa na malengo yalionyooka.

Jambo la kurudisha Imani sio jepesi sana maana hutegemena na kilichoiondoa au kuipunguza. Lakini hapa chini The bestgalaxy tumejaribu kuweka vitu vya kufuatilia ili kuongea Imani ya mapenzi ya kweli. Ni vitu vidogo sana ila vinaweza kujenga imani ya mapenzi ya kweli kwa kiasi kikubwa.

Jinsi ya kupata Mpenzi mtandaoni BONYEZA HAPA>>>

Vitu vya kufuatilia ili kujenga imani ya mapenzi ya kweli tena

Simulizi za mapenzi



Baadhi ya simulizi za mapenzi huwa zinajenga Imani ya mapenzi ya kweli unapozifuatilia. Zinaweza kuwa za sauti, maandishi na hata video lakini unapozifuatilia zinakushawishi kuingia kwenye mahusiano na kuamini yatadumu.
Kupitia simulizi hizi, unaweza jifunza mambo mbalimbali ambayo yatakusaidia kuwa mvumilivu tena, mwenye mapenzi ya dhati na kuamini kuwa mahusiano yako yatadumu. Unaweza hata kufunguka ubongo na kujua mbinu mbalimbali za kutatua changamoto ili kudumu kwenye mahusiano yako.

Mfano wa simulizi nzuri za namna hii ni simulizi iitwayo SUKARI YA DADA na UTAMU WA JUMLA.

Nyimbo za mapenzi



Nyimbo huwa zinaimbwa na watu wengi sana hapa Duniani na katika mapenzi watu haimba mambo tofauti tofauti. Baadhi ya nyimbo za mapenzi hinaweza kukusaidia kuamini tena kwenye mahusiano ya mapenzi ya kweli. Sio kila nyimbo huwa zinakua hivyo ila Kuna nyimbo nyingi chanya za mapenzi zinazoweza kukujenga kiiimani kwenye mahusiano.

Mambo ya Dini



Dini za kikriso na kiislam huwa zinamuongonzo juu ya mapenzi na hakuna inayoelezea mambo ya muumizana au kutoaminiana. Dini zote nimewaka wazi nini cha kufanya mnapopendana ili kuwa pamoja na zinahitaji muwepamoja milele. Uvumilivu heshima na mambo yote ya msingi katika kuwa pamoja kwenye mahusiano ni mambo ambayo huelezwa wazi kwenye dini.

Kwaiyo kufuatilia dini yako kunaweza kuijenga Imani na hata kukusaidia kuishi maisha na mazuri na mpenzi wako.

Mwisho ningependa kukushauri kuwa katika kufuatilia mambo haya ili kujenga Imani, ni vema ukamuhusisha na mpenzi wako. Yani mshawishi na mpenzi wako kufuatilia mambo haya ili muijenge imani kwa Pamoja.

Mahusiano

UTAMU WA JUMLA 04 (Simulizi ya Maandishi)

1 Comment





Mh alikua amejisogeza karibu yangu na tulikua tumegusana kabisa kiasi kwamba nilikua najikuta nahisi vitu tofauti na kitu ninachokifanya muda huo. Mwili wake mlaini ulileta joto la ajabu mwilini mwangu alipokua karibu yangu maaana alikua ni mwanamke mwenye kila sifa ya kuamsha hisia kwa mwanaume. Ukiachana na hayo yote, alikua ananukia vizuri.

Basi siku hiyo nilifanikiwa kumrushia nyimbo kwenye simu yake na tulipeana hata namba za simu ili tuweze kuwasiliana kwenye simu. Baada ya hapo tulikua tunaurafiki nae na  urafiki huo ulikua kama unaelekea kuwa wa kimapenzi hivi japo nilikua sijawahi mwambia nampenda wala yeye hajawahi niambia hivyo.

Kuna siku tulikua tumekaa sehemu moja tunaongea pale nje mlangoni kwangu mida ya jioni… Nakumbuka tulikua tunapiga stori za kawaida huku mimi nimeshika simu yangu naangalia video za vichekesho. Salma alikua pembeni yangu kidogo upande wa kulia. Niliona video moja ikanichekesha sana mpaka nikasema “Hahah angalia video hii” Salma akasogea zaidi kwangu ili aone lakini katika kusogea kwake aliingia mpaka mwilini kabisa, mimi nikawa namuonesha video huku akili ikiwa imehama kutokana na yeye kuja mwilini mwangu. Nakumbuka aliangalia video ile alafu nikamuona akicheka “Hahaha…. wasumbufu hawa” huku akiyatoa macho yake kwenye simu na akaniangalia usoni.



Kwakua mimi akili ilikua haipo tena kwenye video ipo kwake, tukajikuta tumekaa kimya kwa sekunde chache tunaangaliana alafu tunataka kama kusogezeana midomo yetu hivi. Ilikua kama tunataka kuikutanisha midomo hivi lakini ghafla Salma akazuga kwa kushtuka na kusema “Ivi mziki huo unalia wapi?” huku akitoka mwilini mwangu. Na mimi nikajiweka vizuri na kusema “Mh  Itakua huko nyuma” na baada ya hapo tukaendelea na stori nyingine ila kiukweli ilibaki kidogo sana kuanza kupimana joto la mwili.


Ukiachana na siku hiyo, kuna siku nyingine tulikaa pamoja sehemu na tulikua tumegusana miili yetu alafu alikua amevaa kinguo kilaini kifupi ambacho kinaonesha mpaka sehemu za juu ya magoti. Tulikua tunaongea mambo ya kawaida tu ila mimi mawazo yangu ya kahama kabisa maana alikua ananigusa gusa ila yeye yupo bize kuongea ongea.
Nilikua namuangalia anavyoongea alafu kichwani nawaza “mwanamke ananukia vizuri huyu… Midomo yake mizuriii… Dah… ananipa majaribu na mapaja yake… Sijui niyaguse? Mh ngoja nijifanye kama nayagusa bahati mbaya maana natamani balaa”. Uvumilivu ukanishinda, nikajikuta tu mkono wangu nimeuweka kwenye moja ya paja lake na lilikua limejaa  sana nikaanza kulipapasa kama natafuta vitu hivi. Nakumbuka muda huo alikua anataja nyimbo anazozipenda na kabla hajamaliza, nikauweka mkono wangu. Nilivyo fanya hivyo akaacha kuongea na alishtuka kidogo na akasema kwa kisauti cha chini “OOh.. iiii… Wewe… mkaka nini?… Mbona unafanya hivyo?” Mimi ujasiri ukanikimbia nikazuga nikasema “Ku… Kuna kitu nimeona kama kimedondokea hapa” huku nikiutoa mkono.

Basi aliniangalia usoni kidogo alafu akayatupa macho yake chini kwa aibu huku akiguna “MMh”. Mimi mwenyewe nilifanya kitendo hicho kwa msukumo wa hisia zangu juu yake tu hata sikujielewa, nilipoutoa tukakaa sekunde chache alafu tukaendelea kupiga stori kama kawaida. Salma alikua ni mwanamke mzuri na alikua ananivutia ila uzuri wake ulikua unaniogopesha mpaka kumwambia nakupenda maana alikua anateka hisia mpaka akili zangu zinahama, pia nilikua nahisi ni mke wa mtu na mme wake huenda amesafiri hivyo naweza kutwa nae muda wowote.


Nilikaa kama miezi miwili hivi nilikuwa naongea nae, ninamazoea nae lakini sijamwambia kama nampenda. Ila katika hiyo miezi miwili nilikua kunavitu sivielewi kabisa kwenye maisha yake. Nilikua namuona anaishi peke yake, Sijawahi muona na mwanaume na wala Hafanyi kazi yoyote inayoonekana na karibu kila siku anapika na kula. Nilikua najiuliza hela “Anatoa wapi?” maana hata kutoka nyumbani huwa hatoki mara kwa mara, anaweza kwa wiki akatoka mchana masaa mawili kwa siku moja au mbili tu akarudi nyumbani. Usiku pia huwa anatoka na anarudi asubuhi ila hii katika miezi hiyo miwili niliwahi muona akitoka usiku mara moja tu na alirudi na mchubuko kidogo kwenye paji lake la uso. Nikamuuliza aliniambia alikua kwenye sherehe na kuna mtu alimuumiza kwa bahati mbaya.

Siku moja katika mida ya saa 5 usiku hivi nilikua nikitumiana nae SMS kwenye simu yeye akiwa kwenye chumba chake alicho panga na mimi kwenye chumba changu. Kimvua kilikua kinanyesha siku hiyo nje na kilianza mida ya saa 4 usiku hivi. Nakumbuka katika kutumiana SMS Salma aliniambia “Yani mvua ya leo imeleta baridi hatari… yani nimejifunika shuka mbili nzito lakini bado nahisi baridi” mimi nikasema “Ah mimi huku nina shuka moja jepesiii, fikilia baridi ninayoihisi hapa ni kiasi gani” akasema “hahah wewe basi unatia huluma, Au nikupe shuka moja zito unipe lako jepesi?”. Basi mimi nikajibu “Njoo unipe utakua umenisaidia sana Salma” alafu nikawa nasubiri atakachojibu. Nikakuta anachelewa kujibu nikaanza kuwaza kichwani “Eh mbona anachelewa kujibu huyu, anakuja kweli nini?… Mh kwajinsi alivyoumbika sita mruhusu atoke… Mh na ile mizigo yake aliobeba nitakavyoifanya hata amini…. Mtoto msafi balaa”.




Wakati nikiwaza hayo nikakuta SMS toka kwa Salma imeingia, moyo wangu ukadunda pigo moja kubwa “Nduh” nilipoona SMS imeingia na nilipoifungua nikakuta amesema “Mh ningekuja kukupa ila naogopa”. Nikamjibu “Unaogopa nini sasa?” akajibu “nakuogopa wewe” mimi kama utani nikamwambia “Haha kwanini sasa unamuogopa anaekupenda?” akachelewa kidogo kunijibu alafu akaja kujibu “Mh wewe acha kunirusha roho bana… nani huyo ananipenda?”. Alivyosema hivyo mimi nikapumua kwa nguvu kama mara mbili hivi alafu nikatuliza kichwa nikaandika “Mimi hapa nakupenda. alafu nilitamani ujue hili toka nakuona kwa mara ya kwanza. Nakupenda sana Salma, umeukamata moyo wangu mpaka nashindwa elewa jinsi ya kuelezea upendo nilionao kwako, sitamani nikukose… Nataka uwe mpenzi wangu”. Baada ya kuiandika nikawa kama nimeituma hivi alafu nikaiweka simu pembeni ya kitanda changu kisha nikalala chali nikawanaangalia juu huku nikiwanawaza “Dah sijui atakubali huyu… Akikubali nitamfaidi kweli na ile mizigo ya nyuma alafu Kabinuka… Kifua chake tu kizuri sijui ndani atakuaje. Mtoto namuona mtamu kabla sijamla Dah… nilipanga kutokumpa moyo mwanamke ila huyu sjui kaniibia moyo?” alafu hapo hapo nikaanza kuwaza tena “Mh ila huyu mwanamke nikimtongoza na akikubali alafu baadae mtu akaja kusema natembea na mke wake si nitaharibu kilakitu nilichojia huku Dar?… Wazazi wangu wakisikia nimepata matatizo kwasababu ya kutembea na mke wa mtu watanionaje? wataendelea kutupa hela zao kwaajili yangu kweli? Mh sidhani”.

Nikakuta Ghafla SMS toka kwa Salma imeingia imeandikwa “Wewe, mbona kimya?” nikashtuka nikaangalia vizuri nikakuta SMS nilioiandika kumbe sikuituma, hivyo haikwenda. Nikajicheka kidogo huku nikijisemea “Bora hata haikwenda, ngoja nimuulize maswala ya kuolewa vizuri maana ananitamanisha lakini nikienda kichwa kichwa naweza umia mimi. Ila kama huyu ni mke wa mtu basi waliosema mke wa mtu mtamu hawajakosea kabisa… Ngoja nimuulize” nikaifuta ile SMS niliotaka kuituma. Nilivyofuta nikamwambia tu “Salma, nikuulize Swali?” alafu ikapita kama dakika moja nikakuta anajibu “Ah hapana usiniulize, nijibu kwanza swali langu”….




INAENDELEA….

Sehemu Ya 4
Mahusiano

Jinsi ya kurudiana na mpenzi wako wa zamani (Ex)

Leave a comment

Kurudiana na mpenzi wako wa zamani inaweza kuwa hatua kubwa inayohitaji fikra za kina na maandalizi mazuri. Watu wengi hupitia hali ya kutaka kurudiana baada ya uhusiano kuvunjika. Lakini sio jambo la kukurupuka tu; kuna masuala mengi ya kuzingatia kabla ya kuchukua hatua yoyote.

Katika makala hii, tutajadili hatua muhimu unazoweza kufuata ili kurudiana na mpenzi wako wa zamani kwa njia yenye mafanikio. Kila hatua imeundwa kukusaidia kufikiria kwa kina na kuimarisha uhusiano wenu unapofanikiwa kuurudisha kwenye uhai. Lengo ni kuhakikisha kuwa kurudiana kwenu kunaleta furaha na uimara badala ya maumivu ya zamani. Endelea kusoma ili uione njia bora ya kurudisha mahusiano kwenye hali nzuri.

Mambo ya kufanya kwa Mpenzi asieonesha kukupenda BONYEZA HAPA>>>

Jinsi ya kurudiana na mpenzi wako wa zamani

Fikilia maamuzi yako kabla ya hatua

Kwanza kabisa; Fikilia maamuzi unayotaka kufanya kama ni sahihi au si sahihi. Na tena ufikilie kuwa kama maamuzi ni sahihi kwasasa ila yataonekana kawa mabaya baadae, hautajilaumu sana.
Kwenye mapenzi, kuna baadhi ya watu huachana na mtu alafu hupata mtu alie sahihi, na pia kuna watu hurudiana na mtu alie sahihi. Sasa unahisi utakua ni yupi kati ya hawa watu? Hebu fikilia vizuri kwanza maamuzi yako.

Angalia kama kuna upendo kati yenu

Upendo ni kitu kigumu kukificha kikiwepo kati yenu hatakama mumeachana. Na kama mumeachana ila kuna upendo kati yenu, kunakua na uwezekano wa kurudiana. Kwaiyo kama unataka kurudiana na mpenzi wako, angalia kwanza kama kuna upendo kati yenu.


Unaweza utambua upendo kirahisi kwa kujaribu kuwa karibu nae. Angalia kama anawivu na wewe, angalia kama anakuwekea milango ya mumuingia, angalia kama uwepo wako karibu nae anautambua au kuukupenda kabisa.

Mfano mzuri; kwenye simu unaweza kuta alikublock lakini baada ya muda kaondoa block. Au kama sio kwenye simu basi anaweza hata kuwa mara nyingi anakuja katika sehemu unazoweza kumuona kirahisi na kuanza kuongea nae.

Jenga uaminifu upya

Kama mlitengana kwasababu iliopelekea asikuamini, basi unatakiwa kufanya kazi kubwa sana ya kujenga uaminifu. Mfano; Ikiwa ulimsaliti ndio mkaachana, utakua na kazi ya kumfanya aamini kuwa unajutia kosa lako, hautamsaliti tena na hauhitaji kumpoteza kwenye maisha yako. Tena kwa vitendo zaidi na sio maneno tu.


Kujenga uaminifu kunaweza kuchukua muda sana ila hakikisha unazingatia sana swala hilo maana asipokuamini, kunakua na uwezekano mkubwa wa kuvutiwa na wengine anaohisi wanamapenzi ya dhati kulio wewe. Hii ni kwasababu kosa lako limekua kama ishara ya kuwa hauna mapenzi ya dhati kwake.

Anzisha mahusiano ya mapenzi rasimi kwa uangalifu

Mwisho, fanya kuanzisha mahusiano ya mapenzi rasimi. Unaweza anza kufanya hivi kwa kumwambia bado unampenda na kuomba nafasi ya kuwa nae. Akikubari, utakua tayari umeingia nae kwenye mahusiano. Lakini usiishie kujiachia tu, jaribu kuwa muangalifu kwenye mambo mbalimbali kati yenu. Zingatia kuendelea kujenga uaminifu na kufanya mahusiano yenu yawe imara zaidi.

Wakati ukifanya yote hayo, epuka kulazimisha mpenzi au mtu ulieachananae kurudiana tena. Yani ukiona dalili za yeye kutotaka murudiane kivyovyote, acha kumfuatilia kabisa maana hata baada ya kurudiana unaweza kuteswa kihisa.

Teknolojia

Kuwa makini na utapeli huu katika kubet kwako

Leave a comment

Kubeti ni kama mambo mengine yanayohusisha pesa, hivyo huitaji uangalifu. Hii ni kwasababu asilimia kubwa ya mambo yanayohusisha pesa yanaweza windwa na watu wasio waaminifu, hasa mtandaoni. Mbali na kubeti, hapa naweza zungumzia mambo mengine kama mikopo ya mtandaoni, benki za mtandaoni na hata uwekezaji. Hayo yote ni mambo yanayohitaji umakini mkubwa.

Hapa The bestgalaxy, kwenye ukurasa huu tunaenda kukufungua ubongo juu ya baadhi ya utapeli katika kubet ili uwe salama katika kubet kwako. Kama unabeti sana mtandaoni basi kuna asilimia kubwa ya kukutana na utapeli huu tutaozungumzia. Hovyo, itakua vizuri kama utatulia na kuelewa kwa makini ili usije anguka kwenye mitego ya utapeli.

Lakini kabla hatujaenda moja kwa moja katika lengo, fahamu kuwa hii makala haipo kwaajili ya kukuweka mbali na maswali yako ya kubeti huku ukiamini unacho amini, hii ni kwaajili ya kukufanya uwe makini tu.

Wapi unapata Odds za bure au Mikeka ya uhakika? BONYEZA HAPA>>>

Utapeli wa kuwa nao makini katika kubet mtandaoni

Utapeli wa Mikeka ya uhakika 100%

Yawezekana unasikia au kuona watu wanauza kikeka wakiongelea kuhusu Mikeka ya uhakika na wanasisitiza kuwa ni uhakika asilimia 100.

Ni kweli mkeka unaweza kuwa na asilimia nyingi za kushinda lakini tambua tu kunakua na asilimia za mkeka huo kuchanika pia. Yani kiufupi hata mkeka uuzwe milioni, Kuna namna pakua na uwezekano wa mkeka huo kuchanika na ndiomaana kubeti ni mchezo wa kubahatisha.

Sasa ukiacha na hayo yote, unaweza kutana na matapeli ambao huwa hata hawasemi kuwa kikeka yao inauwezo wa kuchanika pia. Wanaweza kuaminisha kuwa Mikeka yao ni uhakika asilimia 100 na kuipata lazima utoe pesa nyingi.

Kikubwa katika hili ni kuiweka akili yako sawa na kuwa makini unapoweka dau tu. Usiweke dau linalokuumiza kwa msukumo wa neno “Uhakika”.

App za Mikeka za utapeli


App za utabiri wa mechi mbalimbali zipo kukusaidia kuona uwezekano wa matokeo ya mechi mbalimbali katika kubet kwako. Lakini sio Kila kinachowekwa kwenye app hiyo kinaenda kutokea kwa asilimia 100.

Kuna app nyingine zipo vizuri katika kazi yake lakini pia kuna app za mtindo huo zipo kwaajili ya utapeli. Zinaweza kukushawishi utoe pesa nyingi kuona utabiri wao katika mechi lakini utabiri huo usiuone kabisa na hata ukiuona ni hauna maajabu yoyote walioyaongelea katika kukushawishi.
kuwa makini na app za mtindo huu ili kuokoa pesa yako.

Makampuni yasio rasmi

Kuna Makampuni mengi sana ya kubeti mtandaoni lakini unapaswa kuzingatia Makampuni yaliyo rasimi tu. Yani hakikisha kampuni unaloanza kutumia kubet ni kampuni rasimi linalotumika na watu wengine wengi pia. Sababu ya kufanya hivyo ni kujiepusha na Makampuni yasio rasmi yanayofanya utapeli.

Baadhi ya Makampuni yasio rasmi yanaweza kubaki na pesa zako unaposhinda pesa na ukawa hauna njia yoyote ya kutoa.

Yani unaweza kutumia kubeti kwa muda mrefu kidogo bila kushinda. Lakini siku utakayo shinda pesa ndio utagundua ulikua katika ulimwengu wa matapeli maana utakosa hata namna ya kuwasiliana nao wakati pesa zako zimeshikiliwa.

Hii ndio Sababu mara nyingi unashauliwa kujiunga na Makampuni ya uhakika kama vile Wasafi bet, Sportybet na hata Betway.

Ni hayo tu katika ukurasa huu, natumaini unaweza kuwa mmoja wa watu waliowahi shuhudia au kusikia mambo haya mtandaoni. Endelea kuwa makini nayo huku ukiendelea kufuatilia mambo mengine hapa The bestgalaxy.

Games

Jinsi ya kuondoa Lag unapocheza game la Warzone Mobile

Leave a comment

Warzone Mobile ni game lililolalamikiwa sana na wachezaji wake wingi toka siku ya kwanza linatolewa rasimi. Wachezaji wake wamekua wakikumbana na changamoto nyingi sana na kupitia mitandao wamekua wakieleza matatizo yanayowakatua. Watengenezaji(Developers) wa game wamekua wakijaribu kutatua baadhi ya matatizo lakini kuna baadhi ya matatizo yanaweza kutatuliwa na wachezaji wenyewe tu. Moja ya matatizo yanayoweza tatutuliwa na mchezaji wa game mwenyewe ni hili la “Lag”.

Lag katika upande wa game, tunaweza sema ni uchelewaji au kusitasita kwa game wakati wa unacheza. Mara nyingi tatizo hili huonekana sana likiwa kwenye game za Online (zinazotumika internet) lakini hata game za Offline hukubwa na tatizo hili.
Haijalishi Lag zipo kwenye game la Offline au Online, huwa zinakera na kumuondoa mchezaji katika hali ya kufurahia kucheza game.

Katika Warzone Mobile unaweza kumbana na Lag mara nyingi sana usipozingatia baadhi ya mambo. Ikiwa unapata Lag unapolicheza unatakiwa kuzingatia mambo ya fuatayo ili kufurahia game lako bila tatizo hilo.

Magemu yenye muonekano mzuri ya battle Royale BONYEZA HAPA>>>

Zingatia haya kuondoa Lag unapocheza game la Warzone Mobile

Tumia kifaa au simu yenye uwezo mkubwa


Kuna vigezo rasmi vinavyoeleza ni kifaa au simu gani inauwezo wa kutumika kucheza game la Warzone Mobile. Lakini hii haina maana kila simu au kifaa kilicho kidhi vigezo kitaweza kucheza game hilo vizuri. Baadhi ya vifaa vinaweza tumika kucheza lakini katika kucheza, unakutana na tatizo la Lag. Hii inawezatokea kwasababu simu au kifaa hicho hakina uwezo ila sio wa kutosha kucheza bila matatizo. Kwaiyo unatakiwa kupata kifaa kizuri kwaajili Warzone Mobile hatakufanya utafiti kabla haujanunua.

Jiunge na internet nzuri yenye kasi


Warzone Mobile ni game la online. Hivyo unapolicheza, jambo la misngi kulizingatia ni mtandao/internet. Ukiwa unacheza game hili katika mtandao usio na kasi au ambao haujatulia, itakua ni ngumu kuondokana na Lag. Kwaiyo hakikisha unatumia internet ilio vizuri ili kufurahia game bila Lag.

Punguza ubora wa picha ikiwezekana

Wakati mwingine Lag hutokana na ubora wa hali ya juu wa picha unaosababisha kifaa chako kushindwa kuchakata vizuri. Unashauriwa unapokua unakumbana na Lag, upunguze ubora wa picha wa game lako katika kipengele cha “Graphics” kwenye “Settings”. Kufanya a hivyo kunaweza ondoa Lag katika uchezaji wako wa game.

Usicheza kifaa au simu ikiwa ya moto

Simu au kifaa unachotumia kucheza game, kinaweza kuwa kina pata moto unapocheza. Hali hii ya kifaa hicho kupata moto, inaweza pelekea game kuwa na Lag unapocheza.

Kwaiyo unapogundua simu yako ni yamoto na game lako lina Lag, basi huo ni muda wa kuliacha game hilo ili kifaa chako kupunguze joto.

Mwisho; Kuzima Voice chat ni kitu kidogo ambacho kinaweza kukupunguzia Lag lakini kwa kiasi kidogo sana. Pamoja na mambo yote hayo, Game la Warzone Mobile huwa linakua na matatizo yanayojitokeza mara kwenye updates zake. Hivyo kuna muda Lag zinaweza kutokea na tatizo likawa nje ya uwezo wako.

Mahusiano

UTAMU WA JUMLA 03 (Simulizi ya Maandishi)

1 Comment


Ujumbe huo niiliona kama fulsa hivi kwasababu ulikua unaeleza kwamba kuna kampuni inaenda kuanzishwa na
kabla ya kuanzishwa Dar inatoa mafunzo kama miezi sita hivi na waliopata mafunzo ndio wataajriiwa. Kulikua kuna
namba zao pale kwenye ujumbe ili kupata maelezo zaidi.
Basi mimi nikachangamkia fulsa bila kulaza damu. Nikawaambia wazazi wangu ingawa walikua wabishi sana
kukubali lakini niliwaelewesha mpaka wakaelewa wakanipa pesa za kutosha kuishi Dar na za kulipia mafunzo
yatakayoendeshwa na kampuni maana ilikua sio bure. Nikafungua akaunti yangu ya binafsi ya benki kisha nikaweka
hizo hela. Baada ya hapo nikaenda Dar, Nikapanga chumba kimoja kwenye nyumba iliokua inavyumba vitatu
ambapo viwili vilikua pia vinawapangaji ambao walipanga kabla yangu. Siku ya kwaanza nilifika katika chumba
nilichopanga nikaweka mabeigi yangu humo nikalala. Siku ya pili nikanunua kitanda na vitu vingine vya muhimu
kwenya maisha ya kusoma ambayo naenda kuyaishi. Siku ya tatu ilikua ni jumatatu nikaanza kwenda kwenye
sehemu ya mafunzo ya hiyo kampuni. Nilikua naenda asubui narudi mchana mida ya saa 8 hivi.
Siku kama tano ivi zilipita bila kuwaona wapangaji wenzangu. Nilikua naona makufuli yamefungwa tu kila siku
lakini baada ya siku kadhaa nilipotoka kwenye mafunzo nilimkuta dada mmoja mweupe mzuri sana anafua nguo
karibu na mlango wa chumba kimoja kwenye hiyo nyumba niliopanga, kilicho tazamana na chumba chamgu. Alikua
amefunga khanga tu kifuani na amejiachia sana mpaka sehemu za juu ya usawa wa magoti zinaonekana. Nikajua
huwenda ni mke wa mpangaji wa chumba hicho maana chumba hicho kilikua kipo wazi muda huo. Nikamsalimia
“Habari Shemeji” akawa kama amesimama kufua hivi alafu akaniangalia vizuri usoni kwa macho yake mazuri alafu
akasema kwa sauti tamu sana “Maambo”. Mh basi me nikamjibu “Fresh tu” nikiwa nataka kufungua mlango kuingia
ndani akaniuliza “Ah wewe ndio umepanga chumba hicho?” nikamwambia “Ndio… wakati nahamia mwenye
nyumba aliniambia kunawapangaji wengine lakini nikawa nashangaa siwaoni”. Nilivyosema hivyo yule dada
akasema “Hahaha mimi nipo hapa nina mwezi sasa ila siku hizi chache nilikua nalala kwa rafiki yangu.
Nikamwambia “Anh na huyo mpangaji mwingine vipi?” akasema “Huyo kasafiri, nilimkuta anakaa hapa pekeake na
mimi nilikua mgeni kwake maaana mimi nina mwezi mmoja tu katika chumba hiki yeye nahisi ni mtu wa muda
kidogo hapa ila kwa sasa kasafiri”,. Nikamuuliza “Kwenye hicho chumba uko peke yako?” akatabasamu alafu
akajibu “Ndio, nipo pekeangu tu hapa hahaha”. Cheko na tabasamu lake tu vilikua kama vimeupasua moyo wangu
kwa furaha na kuamsha vihisia vya mapenzi juu yake.
Nilivyoona hivyo mimi nikasema “Anh sawa, we endelea kufua mimi niingie ndani” ili nikatishe maongezi kidogo
maana alishaanza kunichanganya kichwa na nilikua nimechoka muda huo. Yeye akasema “Sawa, mimi nipo…
ukinihitaji naitwa Salma” mimi hapo nikakumbuka sijamwambia hata jina langu, Nikamwambia jina langu alafu
nikafungua mlango kisha nikaingia ndani. Baada ya kuingia ndani nikatua daftari zangu pale ndani Huku kichwani
nikiwa nawaza “Huyu mwanamke anadawa nini? mbona mzuri alafu nilipokutana nae nimejiskia tofauti? yaani
nakutanane mara yakwanza na ananichanganya hivi… Au kisa sija mzoea? Mh itakua sijamzoea tu, Hana maajabu!
Alafu anaonekana kama mke wa mtu ila ananificha… hawezi ishi pekeake na uzuri huo”.
Sikua na ratiba ya kula muda huo maana huwa nikitoka kwenye mafunzo napitia kula kwanza kwa mama ntilie ndio
nakuja nyumbani. Tangu nifike hapo nilikua sipiki, nilikua nanunua chakula tu maana pesa nilikuanayo ya kutosha
na hata ingeisha nyumbani wangetuma tu. Vitu vikubwa nilivyokua nafanya nikiwa naishi hapo ni kunununua
chakula, kusoma mafunzo na kucheza magemu au kusikiliza muziki kwenye simu yangu.
Salma nae alikua ameongeza kitu katika maisha yangu ya pale maana ilikua kama nimepata rafiki wa kupiganae
stori mara moja moja nikiwa nyumbani. Mara nyigi nilikua nikikosa cha kufanya ndani natoka nje nikimkuta yeye
amekaa, anapika au anafanya kazi nyingine nje, tunapiga stori mpaka basi. Ila kiukweli Salma alikua ananivutia sana
maana alikua mzuri kupita maelezo. Alikua mweupe sana mwenye kifua kilicho simama vema na nzigo wa nyuma wa kutosha. Ukimuangalia usoni macho yeke ni makubwa alafu mazuri sana, tabasamu lake nlilikua linanimaliza na
akicheka ndio kabisa. Kuna muda nikiwa naongea na yeye akili yangu ilikua inahama najikuta namuangalia sehemu
kama kifuani au midooni mpaka najishtukia na yeyepia akiona hivyo alikua anaona viaibu kidogo.
Siku ya kwanza kuongea nae sana ilikua ni baada ya siku kama mbili hivi toka nikutane nae mara ya kwanza. Ilikua ni
mida ya jioni nimetoka kuangalia mpira, nimepitia kula chakula kwa mama ntilie ndipo nikaenda nyubani. Nilipofika
nyumbani nikamkuta amekaa mlangoni pake, mbele yake kuna jiko anapika chakula. Nilimsalimia akaitikia alafu
nikenda ndani nikachukua simu yangu ambayo kwa muda wote ambao sikuepo ilikua kwenye chaji. Baada ya
kuchukua simu nikaanza kucheza gemu nikiwa nipo ndani ya chumba changu lakini baada ya Dakika chache
wakakata umeme kukawa na giza mule ndani. Nikaamua kutoka nje nikakaa kwenye mlango tukawa tunaangaliana
na Salma akiwa amekaa mlangoni kwake na kwa muda huo alikua ameshikilia sahani mkononi anaanza kula.
Nikiwa nakaa pale mlangoni ili nianze kucheza gemu nikamsikia anasema “karibu tule” mimi nikajibu “Ah mimi
nimeshakula, asante”. Tukakaa kama dakika mbili hivi bila kuongea alafu nikasikia akijisemesha “Umeme nao
umetuachia giza bora warudishe mapema kabla simu yangu haijaisha chaji” mimi nikasema “Hahaha mimi simu
yangu inachaji yakutosha, wakate mpaka kesho tu” kusikia hivyo akacheka “Hahahahaha” alafu nikaongeza kusema
“Simu yangu hata nicheze gemu au kusikiliza muziki, kesho itafika ikiwa na chaji”. Nilipogusia muziki nikakuta
ananiambia “Enhe alafu kunanyimbo naomba unirushie kama unazo maana simu yangu mimi ni batani, siwezi pata
nyimbo mpaka niingiziwe”.

Nikamuliza “Unataka nyimbo gani?” akanitajia na kwakua hizo nyimbo nilikua nazo
nikamwambia “lete simu nikurushie”.
Akachukua simu akanyanyuka na kuja kunipa huku akiwa ameshikilia sahani ya chakula mkononi. Mimi
nikachukua simu yake na kuanza kurusha nyimbo huku yeye akiwa hajarudi mlangoni kwake, alikua amesimama
pale karibu yangu akisubiri simu yake maana jambo la kurusha nyimbo si jambo la kuchukua muda mwingi.
Nilipokua nikirusha nyimbo nikakutana na kitatizo kidogo ambacho kilinifanya nichukue muda kidogo kuliko
kawaida. Yeye alivyoona nachelewa, akaamua kukaa na mimi pale mlangoni pangu akawa anaendelea kula huku
ananiangalia ninachokifanya kwenye simu na kuendelea kuongea na mimi. Mh alikua amejisogeza karibu yangu na
tulikua tumegusana kabisa kiasi kwamba nilikua najikuta nahisi vitu tofauti na kitu ninachokifanya muda huo. Mwili
wake mlaini ulileta joto la ajabu mwilini mwangu alipokua karibu yangu maaana alikua ni mwanamke mwenye kila
sifa ya kuamsha hisia kwa mwanaume. Ukiachana na hayo yote, alikua ananukia vizuri.


INAENDELEA…

Sehemu ya 4

Zingatia hii: Tafadhali fahamu kuwa hadithi hii ni mali ya mwandishi. Hairuhusiwi kunakili hadithi yote bila idhini. Unaweza kushiriki au kuchukua sehemu ndogo ya hadithi, lakini si kuichukua hadithi kamili. Asante kwa kuheshimu kazi ya mwandishi!

Mahusiano

Sababu zinapelekea mtu kutodumu kwenye mahusiano

Leave a comment

Kunazisha mahusiano ya mapenzi na mtu, kunaweza kuwa ndio safari ya kuishi mukiwa pamoja mpaka mwisho wenu. Lakini Safari hiyo, watu wengi hutengana na kuivuruga kabisa. Yani kwasasa sio kila mahusiano yanayoanza yanafika mbali, wengi huanzisha mahusiano ambayo hayadumu. Na asilimia kubwa ya mahusiano ambayo hayadumu ni mahusiano yanayohusha watu wenye umri wa 19-29. Watu wanaweza kuingia hata kwenye ndoa lakini Bado wasidumu.

Kwaiyo tatizo la kutodumu kwenye mahusiano ni jambo linalowagusa watu wengi sana. Hapa Duniani kuna wanawake na Wanaume wengi kwasasa wanajiuliza “Kwanini sidumu kwenye mahusiano” bila kupata majibu. Hivyo, ukiwa ni mmoja wa watu woanojiuliza kuhusu hili, basi tambua haukopekeako katika ulimwengu, kuna watu wengi sana.

Mahusiano yako yanaweza kuwa hayadumu kwasababu flani lakini ni gumu moja kwa moja kusema sababu hiyo. Ni ngumu maana kuna sababu nyingi zinazopeleake mtu kutodumu kwenye mahusiano. Hapa chini tumejaribu kuzungumzia sababu chache ili kusaidia mtu yoyote anaepitia tatizo hili kwasababu hizo. Kujua haya kunaweza kukusaidia katika Mahusiano utayopata au ulionayo.

Jinsi ya kupata Mpenzi mtandaoni BONYEZA HAPA>>>

Sababu zinapelekea mtu kutodumu kwenye Mahusiano

Woga wa kuumizwa

Kuna watu waliweka moyo katika Mahusiano ambayo yaliwaumiza sana. Na kama tunavyojua, Ukimpenda mtu sana au ukizama kwenye mahusiano nae sana, basi hata kuumizwa utaumizwa sana. Jambo hili likitokea kwa mtu, linaweza mfanya asidumu kwenye mahusiano mengine mapya tena kwasababu anakua anaogopa kuumizwa. Anaweza jitahidi kupenda lakini akikumbua maumivu au akiona dalili za kuumizwa, anajikuta anajiweka mbali na mahusiano.

Ikiwa unaona unashindwa kudumu kwenye mahusiano kwasababu hii, basi unatakiwa kujipa nafasi ya kupenda tena. Amini kuwa yaliopota yalikuumiza kwakua haukua na mtu sahihi tu kisha mpende anaekupenda. Tengeneza nae malengo bila woga maana woga utakufanya upoteze hata mtu sahihi kwako.

Matarajio makubwa

Asilimia kubwa ya watu (hasa vijana) huwa na matarajio makubwa juu ya wapenzi wao. Baada ya kuona wanachotajia hakipo, wanaona kama hawapendwi au hawana bahati ya kupata mahusiano wanayohitaji. Yani unaweza kuta mwanaume au mwanamke anatamani apate mpenzi mwenyewe maisha kama ya kwenye TV au mambo anayowaza yeye tu kichwani mwake. Akikutana na mtu anaehisi anafanana na huyo anaemuhitaji, basi anategemea kwenye mahusiano au kwenye maisha halisia atakua hivyo hivyo, jambo ambalo ni gumu kutokea.


Mambo mengi unayotarajia kuyapata kwa mpenzi wako au mahusiano yako, unaweza kuyakosa au ukayapa alafu baada ya muda yakapotea. Hivyo, ni vema ukapunguza mambo unayotarajia kwenye mahusiano au kwa mtu unaeingia nae kwenye mahusiano ili udumu nae. Usitege mpenzi wako atakua sahihi Kila wakati, atakua na hela kila wakati, atakua anakuzingatia sana wewe tu kila wakati au kufanya mambo mengine kama hayo.

Kutokutana na mtu sahihi

Wakati mwingine unaweza pitia kwenye hali ya Kila mahusiano kuvunjika na tatizo lisiwe kwako moja kwamoja. Tatizo linaweza kwa ni bado haujakutana na mtu sahihi atakae weza kuunda muhusiano na wewe yasiovunjiaka. Sio Kila mahusiano yanayovunjiaka yanavunjia kwa bahati mbaya, mengine huwa ya Bahati nzuri inayokupeleka kwa mtu atakae kupenda na kukuthamini.
Ili upate mtu sahihi, ni vema ukawa mtu sahihi pia. Kuwa mtu ulietayati kwa mahusiano yasiovunjiaka ili ukikutana na mwanaume au mwanamke atakaekupenda kwa dhati, ujione anabahati kukutana kukupata wewe.

Kukosa uvumilivu

Ukiwafuta wazee waliofanikiwa kuishi wakiwa pamoja kama mke na mume, na kuwaliza Siri ya kudumu wakiwa pamoja, watakuambia mengi ikiwemo “Uvumilivu”.
Ni ngumu kudumu kwenye mahusiano na binadamu mwenzio bila kuwa mvumilivu. Hii ni kwasababu kuna mambo mengi hutokea kwenye mahusiano ili kuharibu mahusiano na hakuna njia ya kuyashinda zaidi ya kuvumilia.

Tabia yako

Tabia yako inaweza kuwa chanzo cha mahusiano yako ya mapenzi kutodumu. Kuna tabia ambazo unaweza kuwa nazo na hauzizingatii lakini ndio hufanya mahusiano yako kuvunjika. Mambo kama Kiburi, dharau, uchafu, uvivu, kutoaminika, kuwa na wapenzi wengi au mambo mengine kama hayo.

Kama ni mpenzi wa simulizi, unaweza fuatilia simulizi ya UTAMU WA JUMLA ili kupata mwanga kwenye tabia zinavyoweza haribu mahusiano. Kwenye sehemu ndogo simulizi hiyo, kuna mtu alikua hadumu kwenye mahusiano kwasababu ya tabia yake.

Ni hayo tu katika ukurasa huu, Endelea kuwa karibu na The bestgalaxy

Teknolojia

Play Store inakataa kuingiza app na games kwenye simu (Can’t install)

Leave a comment

Kama ni mtumiaji wa simu za Android na huwa unatumia Playstore kuingiza games au apps nyingie kwenye simu yako, kuna muda unaweza kumbana na matatizo katika kutumia playstore. Na moja ya matatizo unayoweza kukumbana nanaoyo ni hili la kushindwa kudownload au kupakua vitu na kuingiza kwenye simu.

Unaweza ukawa unatafuta app unayoitaka kwenye Playstore, unabonyeza kitufe cha “Install” ili kuipakua lakini badala ya kuanza kuingia kwenye simu, play store inazunguka kwa muda mrefu na app haiingi kwenye simu. Na ukiisubiri wa muda mrefu zaidi inakuja na ujumbe wenye neno “Can’t install”. Ikiwa unakumbana na tatizo hili, fuata maelezo hapa chini kutatua tatizo hili.

AI za kutengeneza Video kwa picha tu BONUS>>>

Jinsi ya kutatua tatizo la “Play store kukataa ku download app na games kwenye simu”

Unapopata tatizo hili kitu cha kwanza kufanya ni kuangalia kama Storage ya simu yako imebaki kidogo au ipo ya kutosha. Simu ikiwa imebakiza nafasi ndogo ya kuifadhi vitu, unaweza kumbana na tatizo hili. Hivyo utatakiwa kuwa na nafasi ya kutosha ili kuingia app au game unalohitaji.


Ukiona nafasi ya kuifadhi vitu ipo sawa, angalia kama muunganiko wa internet upo vizuri kwenye simu yako maana internet ikiwa inasumbua tatizo hili linaweza kukukumba pia.

Kama vyote viko sawa na bado tatizo linaendelea, Jaribu kuclear/kufuta data za app ya playstore kwa kufuata hatua zifuatazo:

  • Nenda kwenye orodha ya app za kwenye simu yako na utafute app ya Play store.
  • baada ya hapo, ishikilie app hiyo kwa sekude chache alafu kunachaguzi zitatokea.
  • kwenye hizo chaguzi zilizo tokea, chagua sehemu ilio andikwa “Application details” lakini inaweza kuwa imeandikwa “Application info” au “App info”.
  • Baada ya kufanya hvyo, utapelekwa kwenye ukurasa ambao utatakiwa kutafuta sehemu palipo andikwa “Storage” na kupabonyeza.
  • Ukisha fanya hivyo, utapelekwa kwenye ukurasa mwengine na kwenye kurasa huo, utatakiwa kubonyeza sehemu walipoandika “Clear Data” na kuchagua “Ok” kwenye swali utakalo ulizwa na simu yako baada ya kufanya hivyo. (Sehemu hiyo inaweza kuandika “Clear Storage” pia)

Baada ya kufanya hayo, utakua tayari umefuta data za playstore na utatakiwa kwenda playstore yako na kuanza kuitumia kama mwanzo… Itakua ipo vizuri na haina tatizo tena.

Ikiwa umefanya yote yaliopo hapa na haujafanikiwa, huenda kunaweza kuwa na tatizo katika app unayotaka kuingia kwenye simu. Baadhi ya app huwa zina matatizo yalionje ya uwezo wako. Ila unaweza njia mbadala ya ingiza app unayohitaji ikiwa kama Apk file.