Mtandao wa Tiktok ni kati ya platfom ambazo mtu unaweza kutumia kupata pesa mtandaoni kwa kwenda live. Unaweza kwenda live kupitia PC au simu yako ya mkononi. Kwa watu wanaopenda kucheza games kwenye simu, Tiktok inakipengele cha live cha “Mobile gaming”, ambacho ni maalum kwa kuonesha uwezo wako wa kucheza game za simu kwa watu wengine(watazamaji).

Kiepengele hiki kina kuwezesha kwenda live ukiwa unacheza games kwenye simu yako tu. Na ukiwa live, utakua ukiingiza pesa kwa kunapokea zawadi za tiktok kutoka kwa watazamji wako.

Ukiwa na watazamaji wengi wanaokukubali unapocheza games, unaweza kua unapokea zawadi nyingi kiasi ambacho haukosi $20 mpaka $200 kila unapoingia na kutoka live.

Kwa watazamaji wa Afrika mashariki unaweza usipate pesa nyingi kama hizo kila mara kutokana na sababu mbali mbali ikiwemo uelewa wa watu juu ya utumaji wa zawadi na hata jambo unalofanya katika hiyo live yako.

Pamoja na changamoto hizo, bado kuna nafasi kubwa ya kuingiza pesa endapo utaongeza juhudi na ubunifu.

Kutengeneza pesa kwa kucheza game za simu kwenye TikTok

Kiufupi, Tiktok live ni njia ya kuingiza pesa kwa kucheza games kwenye simu yako pia. kama utahitaji kutumia Tiktok kwa namna hii, unaweza fanya yafuatayo:

• Fungua akaunti ya Tiktok(kama hauna)
• Anza kuwa active huku ukipost video zinazohusu games ili upewe kipengele cha live kinachojumuisha “Mobile Gaming”. Ukipost video fupi za Gameplay zako itakua vizuri zaidi.
• Kupost video vinazohusu games kunaweza kufanya ufunguliwe vipengele vyote muhimu hatakama hauna followers wengi kwenye akaunti yako. Kuna akaunti zenye mpaka followers 10 zimepata kipengele cha live cha Mobile gaming. Lakini ukiwa na followers 1000 ndio inakua vizuri zaidi.
• Ukishapata kipengele cha live cha “Mobile gaming”, utakua unakichagua unapoenda live kisha unaanza kucheza games kwenye simu yako ili kuwaonesha uwezo wako kwa watazamaji.
• Kama kila ukiingia live, watazamaji wako wavutiwa na wewe kiasi cha kutuma zawadi basi utakua unaingiza pesa.

Wakati ukiendelea kufanya hayo, unapaswa kufahamu kuwa pesa zinatokana na watazamaji na ili upate watazamaji ni muhimu kuwa mbunifu kwenye uchezaji wa game zako. Hakikisha unakua ni mtu anaeweza kuteka macho ya watu katika uchezaji wako na kuwafurahisha mpaka wakupe zawadi.

Kwaiyo “hustle” ipo kwenye kuvutia watazamaji waungane na wewe mpaka watume zawadi.