TikTok ni miongoni mwa platform maalufu sana ulimwengu, ambazo watu hutumia kuangalia video mbalimbali katika Internet. Mbali na kuangalia video, TikTok pia ni platform nzuri kwa Wafanyabiashara pamoja na watu wangine wanaojihusisha rasimi na uzalishaji wa video ( content creators).

Katika makala hii, tunaenda kuzungumzia jambo ambalo asilimia kubwa ya watu wanaotumia TikTok linawagusa. Jambo hilo linahusu ubora wa video za TikTok.

Unaweza ukawa unaweka video kwenye akaunti yako ya TikTok lakini video zako zinaingia TikTok zikiwa hazina ubora/Quality. Lakini pia unaweza kuwa unaangalia video za TikTok lakini video zinakua hazina ubora unaokufurahisha. Hayo mawilli yote ni matatizo na kama unayopitia, basi tambua yanaweza kuwekwa sawa na ukaanza kuweka au kuangalia video za TikTok zikiwa na ubora.

Hapa chini nimeeleza njia au dondoo zinazoweza kukusaidia kuongeza ubora wa video za TikTok ukiwa unaangalia au kuweka video zako. Katika kuelezea, tutakupa na mwanga kidogo juu sababu zinazoweza pelekea video za TikTok kutokua na ubora.

Jinsi ya kutengeneza Pesa katika TikTok BONYEZA HAPA>>>

Njia za kufanya video za TikTok ziwe na ubora/Quality

Tumia TikTok ya kawaida na sio TikTok Lite

Fahamu kuwa kuna app za aina mbili za TikTok unazoweza tumia kwenye simu. Kuna ya TikTok ya kawaida na pia Kuna app iitwatwayo “TikTok Lite”. TikTok Lite ni app rasimi ya TikTok isiotumia sana Data au bando lako.

App hii ni nzuri sana kuitumia unapohitaji kupunguza matumizi ya data au bando lako la internet. Lakini tatizo ni kwamba, unapotumia app hii unakua unaletewa video zisizo na ubora wa hali ya juu. Video huwa zinapunguzwa ubora unapozinangalia na hata unapoweka.

Kwaiyo ukihitaji kufurahia video zenye ubora, fanya kutumia app ya TikTok ya kawaida.

Zima Data saver

Kama unatumia app ya TikTok ya kawaida na bado ubora wa video sio mzuri, unaweza angalia kama kipengele cha “Data Saver” kama kimewashwa.

Kufanya hivyo utatakiwa kuingia kwenye “Settings” ya app ya TikTok alafu Chagua “Data Saver”. Ukifanya hivyo, utapelekwa kwenye ukurasa ambao utaangalia kama Data saver itakua imewashwa au haijawashwa.

Kama imewashwa, fanya kuizima maana ikiwa imewaka hupunguza ubora wa video ili kutunza Data.

Ruhusu “High-quality uploads”

Hii ni kwaajili ya watu wanahitaji kuziweka video zao kwenye TikTok zikiwa na ubora wa hali ya juu. Hapa Nazungumzia content creators au watu wanaorekodi video zikiwa kwenye ubora wa hali ya juu.

Katika TikTok Kuna kipengele unapotaka kupost video kinatakiwa kiwe kimewashwa ili video yako iliokatika ubora wa hali ya juu iingie kwenye TikTok ikiwa na ubora wa hali ya juu.

Kuwasha kipengele hicho, unapokua unapost video yako, bonyeza sehemu ilioandikwa “More Options” kisha Ruhusu “High-quality uploads”.
Baada ya kufanya hivyo, video zako zitakua hazipungui ubora unapoziiingiza katika TikTok.