Kama umewahi chezea “Rubik’s Cube” basi unaweza kuielewa zaidi WOWCube. “Rubik’s Cube” ni kifaa kilichoundwa na Ernő Rubik mnamo mwaka 1974. Ni kifaa chenye puzzle au fumbo ambalo linajumuisha kurejesha sura sita za maraba katika usawa baada ya kuvurugwa. Kuna Cube nyingine zanaubo mbali na mraba. Rubik’s Cube imekuwa maarufu zaidi ulimwenguni na inachezwa na mamilioni ya watu ulimwenguni.

Sasa WOWCube(WOWCUBE® Entertainment System) ni kifaa ambacho ni kama “Rubik’s Cube” lakini kipo kidigitali zaidi. WOWCube ipo kisasa zaidi kiasi ambacho inaitwa kifaa cha kucheza games. Kina kuruhusu kucheza games nyingi na unakua unacheza kwa kukizungusha, kukitikisa na kugusa screen. Kifaa hiki kina screen ndogo 24 ambazo zinakufanya uone vitu au games unachocheza.
Unakua unakichaji kama unavyochaji vifaa vingine vya kuchaji vya kidigitali alafu unaweza kukiunganisha na simu ya smartphone kwakutumia Bluetooth. Haijali ni simu ya Android au iOS, zote zinaweza kufanya kazi na hiki kifaa.

Kuna app yake unatakiwa uiingize kwenye simu ya smartphone unayoiunganisha nacho. App hiyo inaitwa WOWCube connect na kazi yake kubwa ni kukupa uwezo wa kuendesha kifaa cha WOWCube. Kupitia app hiyo unaweza ingiza games pamoja na app mpya kwenye kifaa cha WOWCube na kurekebisha vitu kama mwanga ili kuwa vile wewe unapenda.

Mbali na hayo, WOWCube pia inauwezo wa kuonesha notifications za kwenye simu ukiunganisha, tarehe (kalenda kwa ujumla), unaweza soma comics na kujifunza mambo mengine. Ni kifaa kizuri kwa watoto na wakubwa pia. Pre order kwenye website ya WOWCube, imeandikwa unaweza pata kwa kama dora 549 za kimalekani hivi. Hiyo ni pre-order.

Moja ya stori kuhusu jina lake lilivyotokea; wanasema kabla hakijaitwa WOWCube, watu alipokua wakioneshwa walikua wanamshangao wa “Wow”. Basi baada ya mishangao hiyo kuwa mingi, wakaamua kukiita “WOWCube”.